This is the Welsh version of the Secondary Schools and Colleges Newsletter September 2022. To read the English version of the newsletter go to: www.see-science.co.uk/schools-newsletters/secondary-newsletter-current.html

Croeso i'r cylchlythyr STEM diweddaraf ar gyfer Ysgolion Uwchradd a Cholegau o'ch Hwb Llysgennad STEM lleol. Mae sawl cyfle ymgysylltu STEM newydd ar gael ar gyfer yr hanner tymor sydd i ddod. Cysylltwch â ni yn uniongyrchol i drafod eich anghenion unigol.


Gellir gweld yr e-bost llawn yma.


Mae Llysgenhadon STEM yn dal i fod yn awyddus i gynnig cymaint o gyfleoedd cyfoethogi â phosibl i ddysgwyr.

Cofiwch annog cydweithwyr i gofrestru gyda STEM Learning er mwyn derbyn y cylchlythyr Gweld Gwyddoniaeth yn y dyfodol: https://www.stem.org.uk/user/register

 

Mae gan Gweld Gwyddoniaeth  dudalen facebook lle byddwn hefyd yn rhannu llawer o syniadau newydd yn rheolaidd  - byddem yn ddiolchgar pe bai modd i chi ein dilyn  https://www.facebook.com/SeeScienceGweldGwyddoniaeth/

 

Gyda dymuniadau gorau
Gweld Gwyddoniaeth

Y cylchlythyr sy'n ffynhonnell hanfodol o wybodaeth ac ysbrydoliaeth i athrawon ac unrhyw un sydd gyda  diddordeb mewn ymgysylltiad STEM (Gwyddoniaeth, Technoleg, Peirianneg a Mathemateg) ledled Cymru.

CYNNWYS

Newyddion STEM
 

Yr Eisteddfod yn Nhregaron
Dathlu diwrnod Rhifedd  gyda Llysgenhadon STEM
Fideos Gyrfaoedd Cemeg Newydd

Digwyddiadau i athrawon 
 
 

Gweithgareddau a digwyddiadau 
 


 

Cystadleuthau  a Grantiau
 
 



Gall cyfranogiad Llysgennad STEM ennyn diddordeb ac ennyn brwdfrydedd myfyrwyr ac athrawon. Os oes gennych ddiddordeb mewn gofyn i Lysgennad STEM eich cynorthwyo gallwch wneud eich cais yma. Rydym wedi creu canllawiau cryno i annog Llysgenhadon STEM ac addysgwyr i ddefnyddio'r hunanwasanaeth. Canllaw fideo i athrawon ac arweinwyr grŵp

Cofiwch annog cydweithwyr i gofrestru gyda STEM Learning er mwyn derbyn y cylchlythyr Gweld Gwyddoniaeth yn y dyfodol:

Os yw Llysgennad wedi ymgysylltu â chi, neu os ydych wedi cwrdd â Llysgennad mewn gweithgaredd cyfoethogi, byddem yn ddiolchgar iawn pe gallech lenwi ein ffurflen adborth athrawon. Anogwch gydweithwyr i ymateb.
Newyddion STEM diweddaraf

Yr Eisteddfod yn Nhregaron


Braf iawn oedd bod nôl ar Faes yr Eisteddfod yn Nhregaron ddechrau Awst. Ein hoff le ni,
wrth gwrs, oedd y Pentref Gwyddoniaeth a Thechnoleg! Roedd y Pentref yn fwrlwm o
weithgareddau trwy’r wythnos gyda digwyddiadau, arddangosfeydd, gweithgareddau,
arbrofion, trafodaethau, sgyrsiau, darlithoedd a mwy. Rhai o’n uchafbwyntiau ni oedd y
sesiynau gwyddoniaith – cywaith rhwng gwyddonwyr ac awduron – gweithdai Technocamps a Sioe STEM y dydd. Cydlynwyd y Pentref cyfan gan M-SParc a llongyfarchiadau iddyn nhw ar greu safle a rhaglen gwerth chweil. Ymlaen at Eisteddfod Llŷn ac Eifionydd yn 2023!Technocamps yn Steddfod Tregaron
Roeddem yn falch o gymryd rhan yn yr Eisteddfod Genedlaethol yn Nhregaron rhwng 30 Gorffennaf – 6 Awst.
Dyma nodyn gan Techncamps:
Roedd ein stondin ar y Maes yn cynnal amrywiaeth o weithgareddau yn ystod yr wythnos i bob oed megis rhaglennu robotiaid a chodio. Daeth tîm Technocamps o Brifysgol Bangor â’u ciwbiau Rubik’s, a oedd yn boblogaidd iawn gyda phlant ac oedolion. 
Roedd Prifysgol Abertawe yn un o brif noddwyr Pentref Gwyddoniaeth a Thechnoleg yr Eisteddfod lle’r oedd ein stondin. Roedd ymwelwyr o fyd addysg, gwleidyddiaeth a’r celfyddydau ymhlith y rhai oedd yn cymryd rhan yn y gweithgareddau ar ein stondin ac yn cerdded i ffwrdd gyda rhai o’n nwyddau melyn enwog.

Dyma i'r flwyddyn nesaf ym Moduan!
Darllenwch fwy
 

Dathlu Diwrnod Rhifedd Cenedlaethol gyda Llysgenhadon STEM.

 

Roedd pumed pen-blwydd y Diwrnod Rhifedd Cenedlaethol yn flwyddyn arloesol, gan gyflawni lefel wirioneddol drawsnewidiol o effaith ar draws y DU. Cododd nifer y sefydliadau hyrwyddwr sy'n hyrwyddo Diwrnod Cenedlaethol Rhifedd 71% ers y llynedd i 4,813. Fe wnaethom hyd yn oed osod Record Byd Guinness newydd gyda phlant ysgol ledled y DU.
Eleni cefnogodd Llysgenhadon STEM Cymru  Ddiwrnod Rhifedd Cenedlaethol gyda chyfres o fideos yn ymwneud â Mathemateg fel
berthnasol i'w bywydau gwaith. O weithgaredd hwyliog a deniadol i ddisgyblion cynradd i bynciau cyfoes ar Fathemateg i Ysgolion Uwchradd, nod fideos yw dangos y rhan gynyddol bwysig y mae mathemateg yn ei chwarae mewn bywydau bob dydd.

Siaradwyr
Dr Brais Lopez Parades Gwyddonydd Data IQVIA
Sut mae Mathemateg yn cael ei ddefnyddio mewn treialon Fferyllol
https://youtu.be/kmFLR_B1_qE

Robert Bowen Peiriannydd Graddedig Grŵp Rhyngwladol Babcock plc
Mathemateg mewn Amddiffyniad Morol
https://youtu.be/jtldiayu56Q

Dr Claudia Medrano Tiwtor ac Ymchwilydd Mathemateg
Celfyddyd Pi i ddisgyblion Cynradd
https://youtu.be/9qDm_5l_KPI

Dr David Willock Darllenydd mewn Cemeg Damcaniaethol a Chyfrifiadurol Prifysgol Caerdydd
Cemeg a Mathemateg
https://youtu.be/oOFgKJKwAs0
Darllenwch fwy
 
Fideos Gyrfaoedd Cemeg Newydd gan yr RSC

Gwyddonwyr cemegol yn gweithio yng Nghymru gan y Gymdeithas Gemeg Frenhinol. 

Archwiliwch ein proffiliau gyrfa newydd (ar gael yn Gymraeg a Saesneg) a darganfod sut mae gwyddonwyr Cymreig yn gwneud gwahaniaeth i'n byd. Gall eich dysgwyr archwilio'r proffiliau a gweld y gyrfaoedd hynod ddiddorol y gall astudio cemeg arwain atynt. 

Mae proffiliau swyddi gwyddonwyr cemegol yng Nghymru i'w gweld yma.
Digwyddiadau Lleol
Hud Gwyddoniaeth. Dydd Sadwrn Hydref 8fed 10.30 - 15.00. Coleg Crist Aberhonddu - Y Segydliad Ffiseg yng Nghymru

Mae IOP Cymru yn cyflwyno diwrnod o Wyddoniaeth i bob athro, rhiant a’u teuluoedd. Popeth yn rhad ac am ddim. 

Ymunwch â’r Sefydliad Ffiseg, gyda chefnogaeth y Gymdeithas Frenhinol Cemeg a’r Gymdeithas Addysg Wyddoniaeth, ar gyfer Gŵyl Wyddoniaeth, lle bydd teuluoedd a ffrindiau ynghyd ag athrawon cynradd ac uwchradd yn mwynhau cyfleoedd rhannu a rhwydweithio. 

Bydd digwyddiadau yn cynnwys: 

  • Harry Potter - Science or Magic? 
  • Frozen! 
  • Devastatingly Dramatic Climate Show

Anogwch gydweithwyr o ysgolion a sefydliadau eraill i fynychu. Mae archebu lle yn hanfodol felly gwnewch hynny erbyn 1af Hydref ogydd i osgoi cael eich siomi. 

Manylion llawn ac archebu lle yma.
Darllenwch fwy
 
Gŵyl Wyddoniaeth y Drenewydd. Dydd Sadwrn Medi 17eg. Ysgol Uwchradd Y Drenewydd 

Rydyn ni'n dod â dewis eang o sefydliadau gwyddoniaeth at ei gilydd i ddysgu plant am y wyddoniaeth gyffrous sy'n digwydd ar hyn o bryd!

Ymunwch â ni ar gyfer ein digwyddiad undydd sy'n dathlu'r holl wahanol ymchwil wyddonol gyffrous sy'n digwydd ar hyn o bryd. Dewch i weld drosoch eich hun beth sy'n cael ei ddarganfod. O argraffwyr 3d i archwilio planedau i dechnoleg ffermio, mae rhywbeth at ddant pawb. 

Mae tocynnau yn caniatáu mynediad am ddim i’r ŵyl ac unrhyw weithdai neu sgyrsiau. Mae'r digwyddiad cyfan yn rhad ac am ddim ac nid oes unrhyw gostau cudd ar y diwrnod. 

Manylion a chofrestru yma. 
Darllenwch fwy
 
Y Sioe Addysg Genedlaethol 2022.  Dydd Gwener Hydref 7. Neuadd y Ddinas Caerdydd

Y Sioe Addysg Genedlaethol yw’r prif ddigwyddiad addysg yng Nghymru sy’n darparu cyfleoedd a ffyrdd newydd o wella a chodi safonau, gwella profiadau dysgu a chefnogi dysgwyr.

Cynhelir sioe wyneb yn wyneb Sioe Addysg Genedlaethol 2022 yn Neuadd y Ddinas, Caerdydd ddydd Gwener 7 Hydref. Mae'r diwrnod wedi'i gynllunio i ddarparu cyfleoedd a ffyrdd newydd o wella a chodi safonau, gwella profiadau dysgu a chefnogi dysgwyr. Digwyddiad y mae'n rhaid ei fynychu ar gyfer pawb sy'n gweithio ym myd addysg gan gynnwys y blynyddoedd cynnar, cynradd, uwchradd, AU ac AB. Ffordd ddelfrydol o wneud y gorau o'ch hyfforddiant DPP ac archwilio cynhyrchion a gwasanaethau trwy ddiwrnod llawn gweithgareddau. 

Manylion llawn ac archebu lle yma. 
Darllenwch fwy
Gŵyl Syniadau. Dydd Iau 22ain a dydd Gwener 23ain Medi. Prifysgol Abertawe Campws y Bae

Rydym ar ben ein digon bod yr Ŵyl Syniadau yn dychwelyd eleni, ac edrychwn ymlaen at eich croesawu i’r Ffowndri Gyfrifiadol.

Eleni, mae’r Ŵyl yn cael ei threfnu gan y Ffowndri Gyfrifiadol a myfyrwyr o’r Ganolfan ar gyfer Hyfforddiant Doethurol mewn Gwella Rhyngweithiadau a Chydweithrediadau Dynol â Data a Systemau a Yrrir gan Ddeallusrwydd.

Rydym wedi trefnu sawl siaradwr cyffrous ac uchel eu proffil, gan gynnwys cyn-arweinydd SAS, seren y sioe “SAS: Who Dares Wins” ar Sianel Pedwar a Gwerthwr Gorau’r Sunday Times, Colin MacLachlan, sylfaenydd Menywod mewn Technoleg, Lisa Short, arloeswr ac arweinydd meddwl enwog ac uchel ei pharch yn technoleg ddigidol, ac arbenigwr mewn seiberddiogelwch. Agenda llawn i'w gadarnhau yn fuan.

Mae cymuned ein Canolfan yn anelu at fod â safbwynt hynod amrywiol. Caiff hyn ei ymgorffori o fewn yr Ŵyl. Ein nod yw apelio at gynulleidfa amlddisgyblaethol; gan ysgogi’r meddwl, ysbrydoliaeth a chyffro, wrth ddysgu, rhwydweithio a chawl hwyl!

Manylion a chofrestru yma.
Cyrsiau i athrawon 
IOP Cymru Cynhadledd Blynyddol Athrawon Ffiseg Cymru Aberhonddu. Dydd Gwener Hydref 7. Coleg Crist, Aberhonddu

Ar y dydd Gwener cynhelir y Gynhadledd yng Ngholeg Crist, Aberhonddu (9.30-16.00) lle bydd Owen Evans (ESTYN), Helen Francis (CBAC) a Felix Flicker (Prifysgol Caerdydd) yn ymuno â ni. Bydd cyfle i gymryd rhan mewn amrywiaeth eang o weithdai.Anogwch gydweithwyr o ysgolion a sefydliadau eraill i fynychu. Mae archebu lle yn hanfodol felly gwnewch hynny erbyn 1af Hydref ogydd i osgoi cael eich siomi. 

Gall athrawon mewn ysgolion a ariennir gan y wladwriaeth yng Nghymru sy'n mynychu ar ddydd Gwener Hydref 7fed wneud cais am grant “Enthuse” trwy STEM Learning i dalu costau cyflenwi a theithio. Os hoffech wneud cais am grant “Enthuse” defnyddiwch y ddolen Eventbrite i gofrestru ac yna dilynwch y ddolen a ddarperir ar gyfer y cais “Enthuse”. 

Manylion llawn ac archebu lle yma.
Darllenwch fwy
Dysgwrdd ASE. Dydd Mercher Medi 28ain 4.30pm. Prifysgol Metropolitan Cardiff, Heol Cyncoed.

Dewch draw am ddysgwrdd a chyfle i rwydweithio ym Mhrifysgol Metropolitan Caerdydd.

Mae Pwyllgor Rhanbarthol ASE Cymru , y Gymdeithas Gemeg Frenhinol a’r Sefydliad Ffiseg yn eich gwahodd i gyfarfod dysgu gwyddoniaeth llawn syniadau ym Mhrifysgol Metropolitan Caerdydd lle bydd cyfle hefyd i groesawu myfyrwyr TAR newydd yn ogystal â rhannu syniadau a phrofiadau ynghylch y Cwricwlwm newydd i Gymru. 

Mae croeso i addysgwyr ddod draw i rannu eu syniadau eu hunain gyda slot rhannu 5 munud neu dim ond i gasglu syniadau a dysgu gan eraill. 

Bydd y rhwydweithio yn dechrau am 4:30pm gyda'r nod o ddechrau am 5pm. 

Cofrestru yma.
Darllenwch fwy
IOP Cymru Cynhadledd Blynyddol Athrawon Ffiseg Cymru Aberhonddu. Gweithdai i Dechnegwyr. Dydd Gwener Hydref 7. Coleg Crist, Aberhonddu 

Bydd gweithdai technegwyr yn rhedeg ochr yn ochr â'r gweithdai Athrawon. Bydd Paul Cook, Aelod Anrhydeddus o’r IOP, yn arwain cyfres o weithdai yn canolbwyntio ar Ffiseg ymarferol.

Anogwch gydweithwyr o ysgolion a sefydliadau eraill i fynychu. Mae archebu lle yn hanfodol felly gwnewch hynny erbyn 1af Hydref ogydd i osgoi cael eich siomi. 

Manylion llawn ac archebu lle yma.
Digwyddiadau ar lein i athrawon 
IOP Cymru Cynhadledd Blynyddol Athrawon Ffiseg Cymru. Dydd Llun Hydref 3ydd i ddydd Iau Hydref 6 ARLEIN

Wythnos wych rhad ac am ddim o gyflwyniadau a gweithdai i athrawon, technegwyr a myfyrwyr TAR gyda chyfleoedd i rwydweithio gyda chydweithwyr. O ddydd Llun i ddydd Iau byddwn yn cynnig gweithdai, sioeau a chyflwyniadau rhwng 17.00 - 20.00 bob nos. Mae teitlau yn cynnwys:

  • Ffiseg Delweddu Meddygol 
  • Sut mae Gwyddonwyr yn Meddwl 
  • Mathemateg mewn Ffiseg 
  • Y Cwricwlwm Newydd yng Nghymru 
  • Aquanauts and Astronauts

Anogwch gydweithwyr o ysgolion a sefydliadau eraill i fynychu. Mae bwcio lle yn hanfodol felly gwnewch hynny erbyn 1af Hydref ogydd i osgoi cael eich siomi. 

Dewch o hyd i restr gyflawn gyda disgrifiadau o bob un o'r 12 sesiwn a manylion bwcio yma.
Darllenwch fwy

Fforwm Ffiseg ar lein  Nos Iau 8fed Medi

Mae Fforwm Ar-lein Athrawon Ffiseg IOP Cymru yn gyfle gwych i ymuno ag athrawon ffiseg eraill o bob rhan o Gymru a thu hwnt i rannu syniadau ac adnoddau. 

Mae'n bleserus iawn gwrando ar y sesiynau hyn a gallwch chi gymryd rhan cymaint neu gyn lleied ag y dymunwch. 

Mae croeso i bob athro neu dechnegydd ysgol (unrhyw un mewn gwirionedd) sydd â diddordeb mewn addysgu Ffiseg . Cofrestrwch yma.
Gweithdai i fyfyrwyr
 

Mae pob ysgol yn y DU, ag eithrio ysgolion preifat, yn gymwys i dderbyn o leiaf 1 gweithdy Energy Quest a gall ysgolion cymwys dderbyn cymaint ag 8! 

Wedi'i hariannu gan Shell, dros y chwe blynedd diwethaf mae EngineeringUK wedi datblygu Energy Quest yn rhaglen a gafodd dderbyniad da, gan gyrraedd 215,000 o bobl ifanc trwy 3,150 o sesiynau mewn 1,460 o ysgolion yn y DU. 

Mae Energy Quest yn weithdy dwy awr rhad ac am ddim wedi ei anelu at ddisgyblion CA3. Trwy naratif cyffrous, caiff myfyrwyr eu herio i achub y dydd trwy ddefnyddio eu sgiliau peirianneg ymarferol a dod o hyd i ateb i helpu grŵp o bobl ifanc mewn perygl. Yn ystod yr her, mae myfyrwyr yn dod ar draws amrywiaeth o beirianwyr wrth iddynt ddarganfod y sgiliau sydd gan beirianwyr a'r ffordd y mae ynni'n chwarae rhan bwysig yn ein bywydau ni i gyd. 

Bydd Gweld Gwyddoniaeth yn cynnal y gweithdai drwy gydol y flwyddyn i ddod. Mae ysgolion a dderbyniodd sesiynau y llynedd yn gymwys i archebu eto ar gyfer y flwyddyn ysgol newydd. 

Mwy o wybodaeth yma neu cysylltwch â Llinos ar llinos.misra@gweld-gwyddoniaeth.co.uk i archebu eich sesiynau.
Cystadleuthau a Grantiau
 
IMechE Cystadleuaeth 'Vision of the Future'

Mae Sefydliad y Peirianwyr Mecanyddol yn dathlu ei ben-blwydd yn 175 oed eleni ac mae ei Bwyllgor Pŵer Niwclear wedi trefnu’r gystadleuaeth hon i ddathlu manteision peirianneg. Mae peirianwyr wedi adeiladu ein gorffennol ond byddant hefyd yn siapio'r dyfodol.Mae hanes yr IMechE yn y gorffennol wedi gweld datblygiad hedfan o naid fer oddi ar y ddaear i hediadau i'r Lleuad, Mawrth a thu hwnt. Mae trafnidiaeth wedi datblygu o gyflymder y ceffyl i gerbydau heb yrwyr. Ystyriwch yr heriau a’r cyfleoedd allweddol sy’n wynebu cymdeithas heddiw megis bwyd a ffermio, trafnidiaeth, tai, ynni ac ynni adnewyddadwy, newid yn yr hinsawdd, gweithgynhyrchu, arferion siopa, gofal iechyd a meddyginiaeth, cyfathrebu, archwilio’r gofod a chyfryngau cymdeithasol. 

Sut olwg fydd ar fyd y dyfodol yn eich barn chi? Pa gyfleoedd cyffrous sydd o'u blaenau i beirianwyr ddylunio ac adeiladu? 

Dewiswch un o'r themâu uchod neu thema arall o'ch dewis a darparwch eich gweledigaeth i ni trwy unrhyw un o'r dulliau canlynol. Rhowch gynnig fel unigolyn neu fel grŵp (uchafswm o 5 aelod tîm). 

  • Llun neu baentiad â llaw a disgrifiad ysgrifenedig 1 dudalen 
  • Paentiad digidol neu boster a disgrifiad ysgrifenedig 1 dudalen 
  • Fideo (uchafswm o 5 munud) a disgrifiad ysgrifenedig 1 dudalen

Categorïau oedran rhwng 5 a 24 oed. 

Dyddiad cau ar gyfer ceisiadau, dydd Gwener 28 Hydref. 

Manylion yma.
Darllenwch fwy
Cystadleuaeth CanSat y DU

Mae cystadleuaeth CanSat yn rhoi cyfle i fyfyrwyr gael profiad ymarferol yn gweithio ar brosiect gofod ar raddfa fach. Maent yn cael y dasg o ddylunio ac adeiladu eu efelychiad eu hunain o loeren go iawn, wedi'i integreiddio o fewn maint a siâp can diod ysgafn. Yr her i fyfyrwyr yw ffitio'r holl is-systemau mawr a geir mewn lloeren, megis pŵer, synwyryddion a system gyfathrebu, i'r cyfaint lleiaf hwn. Ar ôl adeiladu bydd eu timau CanSat yn cael eu gwahodd i ddigwyddiadau lansio ledled y DU i lansio eu CanSats ar rocedi bach, gyda’u CanSats yn dychwelyd i’r Ddaear gan ddefnyddio parasiwt a ddyluniwyd gan y myfyrwyr. 

Gosodir prif her i'r timau o fesur pwysedd aer a thymheredd aer yn ystod disgyniad y CanSats, gyda data yn cael ei drosglwyddo i orsaf ddaear y myfyrwyr. Maent hefyd yn cael y dasg o ddylunio cenhadaeth eilaidd o'u dewis. Gall fod yn seiliedig ar deithiau lloeren eraill, angen canfyddedig am ddata gwyddonol ar gyfer prosiect penodol, arddangosiad technoleg ar gyfer cydran a ddyluniwyd gan fyfyrwyr, neu unrhyw genhadaeth arall a fyddai'n cyd-fynd â galluoedd CanSat. 

I rai 14 oed a throsodd. 

Y dyddiad cau ar gyfer cofrestru yw Hydref 1af ac mae'r gystadleuaeth yn rhedeg tan fis Ebrill. Mwy yma
Darllenwch fwy
Gwnewch gais nawr am arian FIRST® LEGO® League

Mae FIRST® LEGO® League yn darparu profiadau STEM ymarferol i blant o 4 i 16 oed trwy dair cynghrair FIRST® LEGO® League ledled y DU a'r Iwerddon

Mae'r IET, mewn cydweithrediad â'u noddwyr a chyfranwyr, yn gyffrous i allu cynnig nifer cyfyngedig o gofrestriadau tîm a phecynnau dosbarth ar gyfer tair cynghrair FIRST® LEGO® League. 

Gall ysgolion, colegau, grwpiau dysgu yn y cartref neu grwpiau ieuenctid yn y DU a'r Iwerddon wneud cais.

Bydd y cyfnod cyfredol o ariannu yn dod i ben ar Fedi'r 11eg.

Yr holl fanylion yma. 

Darllenwch fwy

Cyrsiau ar-lein i athrawon

Mae amrywiaeth o gyrsiau ar-lein rhad ac am ddim i athrawon ar bob cam o'u gyrfa. Byddwch yn cael cyfle i ddysgu gan arbenigwyr blaenllaw a rhannu syniadau â miloedd o addysgwyr eraill ledled y byd. Lawrlwythwch y calendr i weld pa gyrsiau sydd ar gael a phryd maen nhw ar gael i ymuno.
Darllenwch fwy
 

O leoliad trosedd i'r llys: pwy sydd wedi cyflawni'r drosedd amgylcheddol, ac  allwch chi sicrhau eu bod yn cael eu cosbi?

13 Hydref 2022-  Parc Gwledig Fferm y Fforest, Heol Fferm y Fforest, Caerdydd CF14 7JH

Gyda throsedd amgylcheddol wedi'i gyflawni, mae addysgwyr yn ymgymryd â rôl Swyddogion Amgylchedd dan hyfforddiant ac yn cymryd rhan mewn diwrnod o ddysgu awyr agored trawsgwricwlaidd, gweithgareddau ymarferol a heriau. Wrth roi’r Cwricwlwm i Gymru ar waith,  gallant ymchwilio, casglu tystiolaeth ac adeiladu achos i fynd â’r troseddwr i’r llys? Bydd angen creadigrwydd, arloesedd, meddwl beirniadol, datrys problemau, cynllunio a gwaith tîm ar draws y 6 Maes Dysgu a Phrofiad er mwyn sicrhau bod cyfiawnder yn cael ei wasanaethu.  Ymholiadau: joss@techniquest.org

DPP diweddaraf o'r Bartneriaeth STEM Learning

I ddarganfod mwy am y DPP diweddaraf oddi wrth eich Partner Dysgu Gwyddoniaeth, cliciwch yma
 

Dilynwch ni ar Facebook - Gweler tudalen facebook Gweld Gwyddoniaeth
Hoffwch chi neu ddilynwch y dudalen