This is the Welsh version of the See Science newsletter for primary schools - you can view the English version here.

 

Croeso i’r cylchlythyr STEM diweddaraf  ar gyfer Ysgolion Cynradd  gan eich Hwb Llysgenhadon STEM lleol. 
 

Mae nifer o gyfleoedd ymgysylltu STEM newydd ar gael ar gyfer yr hanner tymor sydd i ddod. Mae Llysgenhadon STEM yn awyddus i gynnig cymaint o gyfleoedd cyfoethogi â phosibl i ddysgwyr ac rydym yn croesawu ceisiadau am Lysgenhadon STEM i helpu gydag unrhyw gyfle cyfoethogi - cysylltwch â ni yn uniongyrchol i drafod eich anghenion unigol.

Cofiwch annog cydweithwyr i gofrestru gyda STEM Learning er mwyn derbyn cylchlythyron Gweld Gwyddoniaeth yn y dyfodol : 
www.stem.org.uk/user/register ac yna dewis derbyn cylchlythyron.

Mae gan Gweld Gwyddoniaeth  dudalen Facebook lle byddwn hefyd yn rhannu llawer o syniadau newydd yn rheolaidd  - byddem yn ddiolchgar pe bai modd i chi ein dilyn. 

Cofiwch gysylltu gyda ni os hoffech unrhyw gefnogaeth wrth ddysgu pynciau STEM.
Gyda dymuniadau gorau, 
Tîm Gweld Gwyddoniaeth

Newyddion

Gwyddonle - Eisteddfod yr Urdd
Cyfle i ddisgyblion ymchwilio ansawdd aer eu hystafell ddosbarth!
Diwrnod Rasio Greenpower Goblin
Ymweliadau ysgolion â safleoedd RSPB
I'm a Scientist, Get me out of here
Digwyddiadau Cenedlaethol

Wythnos Tŷ Agored Peirianneg
Y Cyfraniad Gwyddoniaeth Mawr i Ysgolion
Ffair Big Bang

Digwyddiadau

Dyddiaduron yr Oen - Gwers Fyw Rhyngweithiol gan yr NFU
Annwyd Annifyr - gweithgaredd STEM i’r dosbarth Sylfaen
DPP STEM AM DDIM i Athrawon gyda'r Sefydliad Brenhinol
Energy LIVE: Sioe Wyddoniaeth
Darganfod//Discover 23 - Gŵyl Wyddoniaeth Wrecsam
Cystadleuthau, Grantiau a Chyfleoedd

RSC Gwobrau Addysg 2023
Her Codio'r DVLA
FIRST® LEGO® League 2023-24
Arian ar gyfer Prosiectau Ysgol Hinsawdd a Bioamrywiaeth
DPP gan STEM Learning
Gwneud cais am Lysgennad STEM 

Gall cyfranogiad Llysgennad STEM ennyn diddordeb myfyrwyr ac athrawon fel ei gilydd. Os oes gennych ddiddordeb mewn gofyn i Lysgennad STEM i helpu gallwch wneud eich cais yma. Rydym wedi creu canllawiau byr i annog Llysgenhadon STEM ac addysgwyr i ddefnyddio’r hunanwasanaeth. 

 

Gall unrhyw athro neu athrawes wneud cais am Lysgennad STEM i ymweld â'u hysgol felly annogwch eich cydweithwyr i Please encourage colleagues to gofrestru gyda STEM Learning er mwyn derbyn cylchlythyron Gweld Gwyddoniaeth a dysgu mwy am y rhaglen.

Newyddion STEM diweddara

Gwyddonle Eisteddfod yr Urdd 2023


Unwaith eto, GwyddonLe oedd y lle i fod yn Eisteddfod Genedlaethol yr Urdd Llanymddyfri. Mae Prifysgol Abertawe drwy Academi Hywel Teifi yn trefnu pwyllgor o arbenigwyr Gwyddoniaeth o’r Brifysgol i gynllunio a chyflwyno gweithgareddau rhyngweithiol ar gyfer pobl ifanc o bob oed o bob rhan o Gymru. Roedd Her Sefydliad Morgan - sydd wedi bod yn rhan o weithgareddau GwyddonLe ers 2016 yn rhan o'r arlwy eto eleni - cyfle i ddysgwyr arddangos eu sgiliau rhesymu a dadlau. Y pwnc trafod eleni oedd “Nid yw’r syniad o gynefin yn gallu adnabod hanes hiliaeth ac amrywiaeth yng Nghymru.” Y beirniaid oedd Dr Angharad Closs Stephens, Uwch Ddarlithydd Daearyddiaeth Ddynol ym Mhrifysgol Abertawe, a Cefin Campbell, Aelod o’r Senedd. Llongyfarchiadau mawr i Mali Jones o Ysgol Gyfun @Gwent_Is_Coed ar ennill Her Sefydliad  Morgan 2023! Cystadleuaeth wych ar lwyfan GwyddonLe yn @EisteddfodUrdd rhwng disgyblion @Gwent_Is_Coed a @YsgolYstalyfera

Ymhlith yr atyniadau eraill yn y GwyddonLe roedd cyfleoedd i godio robotiaid ac efelychu ecosystemau gyda Technocamps, profi rhith-realiti, dysgu sut i ddefnyddio diffibriliwr a sut i roi CPR, gwneud sleim a llawer mwy. Ymunodd cyfranwyr eraill fel ‘Mad Science’ a ‘The Big Science Project’ yn ogystal â chyfle i ddysgu am y tywydd gyda rhai wynebau cyfarwydd o dîm tywydd y BBC yn ystod yr wythnos .
Dydd Mercher, cynhaliwyd cwis arbennig ‘Ti a Dy Gorff’ ar lwyfan GwyddonLe dan ofal Eiry Miles o Rily Publications a fu’n gyfrifol am yr addasiad Cymraeg o lyfr Adam Kay, Kay’s Anatomy.
A wnaethoch chi gymryd rhan yn Gwyddonle yn yr Eisteddfod - byddem wrth ein bodd pe baech chi'n rhannu'r hanes gyda ni!
 

Darllenwch fwy

Cyfle i ddisgyblion ymchwilio ansawdd aer eu hystafell ddosbarth!Mae SAMHE wedi lansio! Gwahoddir ysgolion y DU i gofrestru fel ysgol SAMHE. Byddant yn derbyn monitor ansawdd aer am ddim sy'n gysylltiedig ag Ap Gwe rhyngweithiol.
Mae SAMHE (dwedwch ‘Sammy’!) yn golygu Monitro Ansawdd Aer Ysgolion ar gyfer Iechyd ac Addysg (Schools’ Air quality Monitoring for Health and Education). Mae’n brosiect gwyddoniaeth dinasyddion newydd cyffrous sy’n dod â gwyddonwyr, disgyblion ac athrawon ar draws y DU ynghyd.
Mae ansawdd aer gwael yn effeithio ar iechyd a lefelau sylw disgyblion, felly mae’n bwysig ei fod yn cael ei fonitro a’i ddeall.
Mae monitor SAMHE yn mesur carbon deuocsid (CO2), cyfanswm cyfansoddion organig anweddol (TVOCs), deunydd gronynnol (PM), tymheredd a lleithder cymharol. Trwy Ap Gwe SAMHE, gall athrawon a disgyblion weld y data mewn ystod o siartiau rhyngweithiol a fformatau graffigol, a gweld sut mae ansawdd aer yn newid dros oriau, dyddiau neu wythnosau a misoedd. Mae’r Ap hefyd yn cynnig amrywiaeth o weithgareddau ac arbrofion sy’n gysylltiedig â’r cwricwlwm gan ddefnyddio’r data, gan greu cyfleoedd i ddisgyblion fod yn wyddonwyr a gwneud arbrofion ymarferol gyda’u monitor.
Mae SAMHE wedi’i gynllunio ar y cyd ag ysgolion i sicrhau ei fod yn diwallu anghenion ysgolion a’i fod yn hwyl ac yn ddeniadol i ddisgyblion. Roedd yr athrawon a fu’n ymwneud â’i ddatblygiad yn ei chael yn “bwerus i weld y porthiant byw o’r data” ac yn falch bod yr “ystod o opsiynau yn caniatáu inni ddefnyddio’r system hon ar draws y pynciau STEM”.
Mae SAMHE yn galluogi disgyblion i ryngweithio â data’r byd go iawn am eu hamgylchedd uniongyrchol, yn rhoi’r gallu iddynt gymryd camau gwybodus ac yn cynnig cyfle i gydweithio â gwyddonwyr a chyfrannu at waith ymchwil pwysig.
“Mae monitor ac ap SAMHE wedi darparu cyfoeth o ddata i’n grŵp gwyddoniaeth Bl4/5 i’w holi a’i ddadansoddi. Mae yna gyffro diriaethol o ran gallu cyrchu’r data mewn amser real gartref!” - Ysgol Elangeni, Ysgol Arloesi SAMHE.
Darganfyddwch fwy a chofrestrwch eich ysgol ar wefan SAMHE.

Newyddion STEM diweddara

Diwrnod Rasio Greenpower Goblin

Dydd Sadwrn, Ebrill 22ain, cynhaliwyd digwyddiad rhanbarthol Greenpower Goblins yn Renishaw, Meisgyn. Adeiladodd a dyluniodd y disgyblion gar cit i rasio ar y diwrnod ac roedd y dyluniadau’n amrywio o thema Diwrnod y Ddaear ecogyfeillgar, i ddraig, achub y gwenyn, a hyd yn oed Mario!
Roedd dechrau cyffrous i'r diwrnod gyda ras lusgo rhwng 2 gystadleuydd ac yna llwybr o 'chicanes' oedd yn profi sgiliau'r gyrwyr i'r eithaf!
Roedd yn wych gweld ysbryd tîm go iawn gydag ysgolion yn cymeradwyo ei gilydd trwy gydol y dydd. Llongyfarchiadau i bawb a gymerodd ran!

Mae Ymddiriedolaeth Addysg Greenpower yn elusen yn y DU sy'n ennyn diddordeb pobl ifand mewn gwyddoniaeth a pheirianneg trwy eu herio i ddylunio, adeiladu a rasio car trydan. Maen nhw'n cyflenwi Ceir Cit sy'n briodol i'w hoedran, y gellir eu hadeiladu yn yr ysgol, coleg neu rywle arall a'u rasio yn lleoliadau chwaraeon moduro mewn digwyddiadau arbennig Greenpower. Mae her Greenpower yn defnyddio cyffro chwaraeon moduro i ysbrydoli pobl ifanc i ragori mewn Gwyddoniaeth, Technoleg, Peirianneg a Mathemateg (STEM). Gallwch ddarganfod mwy yma.

Darllenwch fwy

Ymweliadau ysgolion â safleoedd RSPB

Gydag amrywiaeth o weithdai rhyngweithiol, teithiau natur wedi eu tywys, ac arbrofion ymarferol, nod ein rhaglen yng Ngwlyptiroedd Casnewydd yw tanio chwilfrydedd a meithrin cariad at ddysgu.

Gall myfyrwyr weld bioamrywiaeth anhygoel y gwlyptiroedd, arsylwi adar mudol yn eu cynefin naturiol, a darganfod yr ecosystemau cymhleth sy'n rhan o'r warchodfa syfrdanol hon. Bydd ein haddysgwyr profiadol yn arwain sesiynau sy’n integreiddio egwyddorion STEM, gan annog myfyrwyr i ddatblygu sgiliau meddwl beirniadol, datrys problemau a gwaith tîm. Trwy gysylltu gwybodaeth ystafell ddosbarth â chymwysiadau byd go iawn, ein nod yw ysbrydoli'r genhedlaeth nesaf o wyddonwyr, peirianwyr a stiwardiaid amgylcheddol.

I ddysgu mwy am ein rhaglen a sut i archebu ymweliad, ewch i'n gwefan: yma. Ymunwch â ni yng Ngwlyptiroedd Casnewydd a gadewch i'ch myfyrwyr brofi rhyfeddodau STEM y tu hwnt i'r ystafell ddosbarth!

Diolch i Emma o Wlyptiroedd Casnewydd am yr erthygl hon. Mae rhaglen debyg hefyd ar gyfer ysgolion yng Ngwarchodfa Natur RSPB Conwy. Manylion yma.

Darllenwch fwy

Sgyrsiau Byw gyda gwyddonwyr: cyfoethogi ar-lein dan arweiniad myfyrwyr!

Yr haf hwn, rhowch fynediad uniongyrchol i'ch myfyrwyr at bobl sy'n defnyddio STEM yn eu gyrfaoedd -
gan gynnwys ymchwilwyr sy'n arwain y byd o sefydliadau blaenllaw.
Mae 'I'm a Scientist, Get me out of here' yn gyfoethogiad ar-lein hynod effeithiol, dan arweiniad myfyrwyr. Mae myfyrwyr yn datblygu eu cyfalaf gwyddoniaeth trwy archwilio CVs gwyddonwyr; cymryd rhan mewn sgyrsiau byw gyda gwyddonwyr; gofyn cwestiynau dilynol; a phleidleisio dros enillydd.I'm a Scientist logo
Mae myfyrwyr yn gweld perthnasedd eu dysgu i'w llwybrau gyrfa yn y dyfodol. Ac mae athrawon yn adrodd bod eu myfyrwyr yn cael hwb hyder yn eu pynciau STEM!
Mae’r gweithgaredd ar-lein, yn rhad ac am ddim i ysgolion gwladol Cymru, ac yn cael ei hwyluso gan gymedrolwyr sydd wedi’u gwirio gan y DBS. Gyda gweithgareddau am yrfaoedd, dathlu pen-blwydd y GIG yn 75, seicoleg, llythrennedd gwyddonol, lleihau allyriadau carbon, ac ymchwil canser ym mis Mehefin a mis Gorffennaf 2023, mae rhywbeth at ddant pawb.
Darganfyddwch fwy a chymerwch ran yma.

Digwyddiadau Cenedlaethol
Wythnos Tŷ Agored Peirianneg Mehefin 12 - 18 2023

Rydym yn angerddol am beiriannu byd gwell nawr ac yn y dyfodol a dangos i bobl ifanc y rôl y mae technoleg a pheirianwyr yn ei chwarae wrth greu hyn. Rydym am rannu ein hangerdd ymhell ac agos drwy roi cyfle i chi ymuno â ni ar gyfer ein Hwythnos Tŷ Agored Peirianneg! 

Mae’r profiad hwyliog ac addysgol hwn i bob oed yn digwydd rhwng 12-18 Mehefin 2023 ac mae’n darparu mynediad unigryw y tu ôl i’r llenni i leoliadau a sefydliadau STEM ledled y DU, fel y gall pobl ifanc a’u teuluoedd archwilio, darganfod a phrofi’n uniongyrchol. y datblygiadau diweddaraf mewn peirianneg a thechnoleg a'r ystod o opsiynau gyrfa cyffrous sydd ar gael. 

Manylion ar sut i gymryd rhan, naill ai fel lleoliad, sefydliad, ysgol neu deulu, yma.

Darllenwch fwy
Y Cyfraniad Gwyddoniaeth Mawr i Ysgolion. Dydd Mawrth 13 Mehefin.

Mae’r Cyfraniad Gwyddoniaeth Mawr i Ysgolion (GSSfS) yn ymgyrch arobryn, flynyddol i ysbrydoli plant 5-14 oed i ofyn, ymchwilio a rhannu eu cwestiynau gwyddonol gyda chynulleidfaoedd newydd.

Mae GSSfS yn codi proffil gwyddoniaeth mewn ysgolion a’u cymunedau, gan annog pobl ifanc i gael eu hysbrydoli i fyd gwyddoniaeth a pheirianneg.

Mae’r SHARE wrth galon ymgyrch GSSfS ac mae llawer o wahanol ffyrdd creadigol i’ch plant eu rhannu, gan roi’r cyfle iddynt weld eu hunain fel gwyddonwyr a siarad am eu hymchwiliadau gwyddonol.

Ddim yn siŵr sut a beth i rannu? Mae amser o hyd i chwilio am ysbrydoliaeth! Mae'r cyfan sydd angen i chi ei wybod i'w weld yma.

Darllenwch fwy
Ffair Big Bang 

Cofrestrwch nawr!

Mae Ffair Big Bang yn dychwelyd am flwyddyn arall o weithgareddau STEM cyffrous, rhyngweithiol ac ysbrydoledig. Mae’r Ffair am ddim i’w mynychu, a bydd yn cael ei chynnal yn yr NEC yn Birmingham ar 21 i 23 Mehefin 2023.

  • Bydd Ffair Big Bang ar agor i ysgolion mewn sesiynau hanner diwrnod. Bydd ysgolion yn gallu cofrestru ar gyfer sesiynau bore (9am i 12pm) neu brynhawn (1pm tan 4pm). 
  • Bydd ysgolion yn gallu archebu un grŵp fesul sesiwn 
  • Cyfyngir grwpiau i 75 o ran maint (gan gynnwys oedolion) 
Bydd y Ffair yn agored i grwpiau o ysgolion a ariennir gan y wladwriaeth ar gyfer pobl ifanc:
  • Cymru a Lloegr: blynyddoedd 6 i 8

Bydd Gweld Gwyddoniaeth yn y Ffair am dridiau. - dewch draw i stondin 'EnginneringUK' i'n gweld. Mae cofrestru ar gyfer Ffair Big Bang ar agor! Peidiwch â cholli allan - archebwch heddiw. 

Manylion yma.

Darllenwch fwy
Dyddiaduron yr Oen - Gwers Fyw Rhyngweithiol gan yr NFU. Dydd Mercher Mehefin 21ain. 11.00yb yn Saesneg a 2.00yh YN GYMRAEG!

Gwersi byw rhyngweithiol am ddim ar gyfer Cyfnod Allweddol 2/Cam Cynnydd 3

Mae NFU Cymru ac NFU Education yn falch i ddatgan bod ein gwers fyw ddwyieithog gyntaf erioed yn dod ym Mehefin i ddathlu Wythnos Ffermio Cymru!

Wedi’i deilwra i’r Cwricwlwm i Gymru ac yn darparu dysgu mewn cyd-destun lleol, bydd y gwersi byw yn dilyn taith oen o’r eiliad y caiff ei eni a thrwy gydol ei gylch bywyd.

Cofrestrwch ar gyfer ein gwersi byw i: 

  • Gymryd rhan mewn antur ar draws rhai o fryniau Cymru.
  • Ddarganfod sut mae defaid yn cael gofal trwy gydol eu bywyd.
  • Gwrdd â’r pencampwr trafod cŵn, Erin, a’i chi, Theo.
  • Ddarparu dysgu cysylltiedig â’r cwricwlwm mewn cyd-destun lleol i ddisgyblion.
  • Ehangu gorwelion disgyblion a’u cyflwyno i brofiadau newydd.
  • Helpu disgyblion i ddeall y cysylltiad rhwng dysgu yn y dosbarth a gyrfaoedd.

Cofrestrwch yma.

Darllenwch fwy
Annwyd Annifyr - gweithgaredd STEM i’r dosbarth Sylfaen. Dydd Llun Mehefin 26ain am 4pm. Ar-lein

Mae gan Gem druan annwyd ac nid yw ei hances yn gweithio'n dda iawn! Pa ddeunydd fyddai'n gwneud yr hances orau?

Ymunwch â ni i weld sut y gall y senario syml hwn arwain at weithgaredd STEM ar ddeunyddiau ar gyfer yr ystafell ddosbarth Sylfaen. Gadewch i'ch disgyblion fod yn wyddonwyr bach wrth iddynt arbrofi gydag ystod o ddeunyddiau i ddod o hyd i'r un gorau ar gyfer y swydd! Gofynnwch iddynt feddwl am hancesi budr a pham y dylent gael eu taflu i’r bin. Dysgwch sut y gallwch chi ehangu ar y weithgaredd trwy gyflwyno rhai termau ac offer gwyddonol. 

Byddwn hefyd yn dangos i chi sut y gallai’r weithgaredd hwn fod yn ddechrau ar daith Gwobrau CREST eich disgyblion. Gweithgaredd perffaith ar gyfer y Cwricwlwm i Gymru! 

Sesiwn Saesneg, dydd Llun 19 Mehefin am 4pm. Archebwch yma. 

Sesiwn Gymraeg, dydd Llun Mehefin 26ain am 4pm. Archebwch yma.

Darllenwch fwy
DPP STEM AM DDIM i Athrawon gyda'r Sefydliad Brenhinol. Dydd Mercher 14 Mehefin 4 - 5pm. Coleg Sir Benfro.

ENERGY LIVE: Gall sesiwn DPP gyda chyflwynydd proffesiynol helpu i feithrin sgiliau a hyder i ysbrydoli plant gyda gwyddoniaeth ymarferol mewn ffyrdd difyr a syml.

  • DPP ar gyfer Athrawon CC3 a CC4 
  • Dim ond 15 lle ar gael 
  • Cysylltiadau cwricwlwm PS3: Grymoedd ac Egni - Ynni a Thrydan 
  • Cysylltiadau cwricwlwm PS4: Y Ddaear - Ynni. Grymoedd ac Ynni - Trydan 

Anfonwch e-bost at darwin@darwincentre.com i archebu eich lle.

Darllenwch fwy
Energy LIVE: Sioe Wyddoniaeth. Dydd Mercher 14 Mehefin 18:30 - 19:30pm. Theatr Myrddin yng Ngholeg Sir Benfro. 

Ymunwch â Chanolfan Darwin, Gweld Gwyddoniaeth a’r Gymdeithas Addysg Wyddoniaeth yn Theatr Myrddin am noson o wyddoniaeth anhygoel gyda’r Sefydliad Brenhinol a’u sioe wyddoniaeth Energy LIVE.

Yn addas ar gyfer cynulleidfaoedd 7 oed a hŷn, mae Energy LIVE yn sioe gyffrous a arweinir gan gynulleidfa, a fydd yn ymchwilio i egni, grymoedd a phriodweddau gwahanol ddeunyddiau. Bydd hefyd yn cynnwys arddangosiadau tân! 

Bydd drysau yn agor am 6pm gyda'r sioe yn dechrau am 6:30pm. Bydd angen eu tocyn eu hunain ar bob person sy'n mynychu, a bydd angen prynu tocynnau ymlaen llaw trwy EventBrite am £3 yr un. 

Bydd ardal y bar yn Theatr Myrddin ar agor o 6pm ar gyfer lluniaeth. 

Bwcio yma.

Digwyddiadau Lleol
Darganfod//Discover 23 - Gŵyl Wyddoniaeth Wrecsam. Awst 5-6

Paratowch i Ddarganfod Eich Gwyddonydd Mewnol yng Ngŵyl DARGANFOD//DISCOVER yn Stryt Caer!

Marciwch eich calendrau, selogion gwyddoniaeth! Mae DARGANFOD//DISCOVER yn ôl, ac mae'n fwy ac yn well nag erioed o'r blaen. Ar y 5ed a'r 6ed o Awst 2023, bydd Canolfan Darganfod Gwyddoniaeth Xplore!, Wrecsam a Thŷ Pawb yn dod at ei gilydd am y drydedd flwyddyn yn olynol i ddod â gŵyl fythgofiadwy o wyddoniaeth a chelf i chi yng nghanol Stryt Caer. 

Byddwch yn barod i ymgolli yn rhyfeddodau gwyddoniaeth, rhyddhau eich gwyddonydd mewnol, ac ymuno â ni am antur fythgofiadwy yn yr ŵyl! 

Bwcio yma.

Cystadleuthau
RSC Gwobrau Addysg 2023
Mae gwobrau Addysg y Gymdeithas Gemeg Frenhinol  yn rhan o bortffolio mawreddog o wobrau blynyddol ar gyfer y gymuned gwyddorau cemegol. Mae ein gwobrau Addysg yn cydnabod unigolion a thimau sy'n gwneud pethau gwych yn eu hystafelloedd dosbarth a'u labordai.

Maent yn arwain trwy esiampl mewn pob math o ffyrdd, gan gynnwys: 

  • dylunio cwricwla cemeg arloesol ac effeithiol 
  • gwneud newid sylweddol mewn addysg gemeg trwy fentrau, rhaglenni neu dechnolegau newydd 
  • ennyn diddordeb disgyblion trwy gemeg ymarferol 
  • hyrwyddo cynhwysiant ac amrywiaeth mewn addysg gemeg 
  • cefnogi datblygiad cydweithwyr

... i enwi rhai. 

Fel gweithiwr addysg proffesiynol, rydym yn eich annog i enwebu unigolyn neu dîm yr hoffech gael eu cydnabod am eu cyfraniad i addysg gemeg. Agored i Addysg Gynradd, Uwchradd ac Addysg Bellach. 

Dyddiad cau ar gyfer enwebiadau Mehefin 21ain. 

Manylion yma.

Darllenwch fwy
Her Codio'r DVLA

Mae Her Codio'r DVLA yn galluogi myfyrwyr o bob oed i ddatblygu eu sgiliau datrys problemau, gwaith tîm a gwella eu gwybodaeth am raglennu cyfrifiadurol mewn ffordd hwyliog ac arloesol a hefyd i ennill miloedd o bunnoedd o Offer TG ar gyfer eu hysgolion neu Grwpiau.

Mae pob ysgol, clwb a grŵp sy'n gweithio gyda phlant 16 oed neu iau sydd wedi'u lleoli yng Nghymru yn gymwys i gymryd rhan yn y Gystadleuaeth. 

Gall pob ysgol, grŵp neu glwb gofrestru cymaint o dimau ag y dymunir. Rhaid i bob tîm gynnwys lleiafswm o ddau ac uchafswm o chwe phlentyn. 

Mae yna ddewis eang o themâu a gall timau ddewis un neu fwy ohonnynt ond dim ond un cais y gallant ei gyflwyno fesul thema. 

Dyddiad cau dydd Gwener 6 Hydref. 

Yr holl fanylion yma.

Darllenwch fwy
FIRST® LEGO® League 2023-24

Mae'r thema ar gyfer cystadleuaeth FIRST® LEGO® League y flwyddyn nesa wedi ei gyhoeddi:

Masterpiece - setiau ar y thema STEM yn y Celfyddydau fydd yn ysgogi chwilfrydedd am  #STEM mewn meysydd gyrfa creadigol!

Gall ysgolion gofrestru nawr am gofrestru cynnar fydd yn rhoi mynediad at y platfform yng Ngorffennaf. Cyfle i achub y blaen ar ysgolion eraill! 

Cofrestrwch yma.

Grantiau
Arian ar gyfer Prosiectau Ysgol Hinsawdd a Bioamrywiaeth

Mae’r Gymdeithas Frenhinol yn gwahodd ceisiadau i’w Rhaglen Gwyddonwyr Hinsawdd Yfory i roi cyfle i fyfyrwyr ledled y DU gymryd camau i fynd i’r afael â materion hinsawdd a bioamrywiaeth.

Mae grantiau o hyd at £3,000 ar gael i ysgolion cynradd neu uwchradd yn y DU i redeg prosiect ymchwilio STEM ar gyfer myfyrwyr rhwng 5 a 18 oed. Mae angen dau bartner prosiect i'r cynllun gyda'r ymgeisydd arweiniol yn ysgol a'r ail bartner yn weithiwr STEM proffesiynol o'r byd academaidd neu ddiwydiant. Dylid defnyddio cyllid yn bennaf i brynu offer. 

Y dyddiad cau nesaf ar gyfer ceisiadau yw 30 Mehefin 2023. 

Manylion yma.

DPP gan STEM Learning

DPP gwyddoniaeth ddwys effaith-uchel gan STEM Learning

Mae STEM Learning yn ymroddedig i ddarparu datblygiad proffesiynol wyneb yn wyneb o safon mewn amgylcheddau ystafell ddosbarth dilys yn eu Canolfan Dysgu STEM Genedlaethol yn Efrog. Gweithiwch gydag athrawon o'r un anian, rhwydweithiwch, a datblygwch eich addysgu mewn ffyrdd rhyngweithiol ac effeithiol.

Mae cymorthdaliadau ar gael i gyfrannu at gostau teithio a chyflenwi i helpu athrawon i gymryd rhan mewn DPP. Maent yn darparu cyllid i gefnogi’r athro i wreiddio ei ddysgu o ran ei arfer broffesiynol ei hun ac yn lledaenu’r hyn a ddysgwyd gyda’u cydweithwyr yn unol â blaenoriaethau ysgol ac adrannol. 

Mae pob cwrs yn cynnwys llety ac arlwyo am gyfnod eich arhosiad fel y gallwch ganolbwyntio'n llawn ar eich dysgu. 

Dewch o hyd i amserlen cyrsiau eleni yma.

Dilynwch ni ar Facebook -  Hoffwch neu ddilynwch ein tudalen os gwelwch yn dda!